Musik on Gedechtlan

Onsr erschtr Obmoon, onsre erschte Freede

On is dr Tooch aa nooch su schwaar,
dr Obmoon daar werds richta.
Ar recht sich efftr salwr aus,
woos andre nee verstiehn.

Suu werd aa nooch aus diesem Moon
a werklich guudr Mensch.
Mer wern doos nooch drlawa.
ei zwanzech, dreisech, ferzech Joohrn.

Doos werd a echte Freede sein.
Mer sein ju werklich werklich fruu,
wenn mer suu viele wiedr sein,
wie einst ei daam Verein.

Wu mer se iwr Klinga hoon,
gezeehn on springa loohn.
De Werschtlan on de Garka,
die sech ferdufta wulda.

Suu hoon mer onsr Lawa lang,
gearbt on gud gelabt,
bis doos die gruuße Freiheit koom,
on ons woar oll schuun klar:

Nu sein mer nimme ganz suu frisch,
dooch denka nooch genau asuu
on arbta nooch viel bassr,
mer naama ools woos doo su is,
ei bayern on wu immr.

Mer sein die Hichsta eim Verein,
eim Noja, jetzt ei Bayrn,
mer machas wie a friehr schuun.
mer treen haalt olls ner raus.

On wenn doos Jingla meent,
ar kennt ons iwerfiehrn,
do lach mer neer
on trewas nooch viel schlimmr.

Mer treen zom Schlosse olles naus,
hinein ei onsern Saak,
hinein ei onsre Meega,
versaufa, frasse, staala.
Doos besla Kapitol, mei Froind,
Is schnell vertoon eim Lawa,
doe Oobmoonschooft werd richta,
on richts a lange schuun.

Doos Geld, die Reputation,
doos Guude on doos Schiene,
doos hoon se rausgefleedrt,
dr Erschte Obmoon Kalle
on sein Genossa olle.
On aa die viela vo danna
on widr danne ihra Fiergänger
hoon aufgehaala Saak om Mindr.
Herrgott doos woar doos a schiener Luuhn.

 

Kommentare sind geschlossen.